دۆناڵد ترەمپ سەرۆکی ئەمریکا ڕایگەیاند؛ کۆبوونەوەیەکی زۆر باشیان لەگەڵ لایەنی ئێرانی ئەنجامداوە و جەختیش دەکاتەوە کە لە هەنگاوەکانیان بۆ داماڵینی چەکی ئەتۆمیی ئێران و لەناوبردنی بەرنامە ئەتۆمییەکەی ئەو وڵاتە پاشگەز نابنەوە.

ترەمپ لە لێدوانێکدا ئاماژەی بەوە کرد، کۆبوونەوەکان سەبارەت بە پرسی ئێران زۆر بە باشی بەڕێوەدەچن و ئەو وڵاتەش هەنگاوێکی گەورەی سەبارەت بە ڕێککەوتنەکە بڕیوە. وتیشی: "بەردەوامین لەسەر ڕێڕەوی داماڵینی چەکی ئەتۆمیی ئێران و بە هیچ شێوەیەک لە لەناوبردنی بەرنامە ئەتۆمییەکەیان پاشگەز نابینەوە."

لە بەشێکی دیکەی قسەکانیدا، ترەمپ باسی لەوە کرد کە هەفتەی ڕابردوو گورزی قورسیان ئاراستەی ئێران کردووە. هاوکات تیشکی خستە سەر لایەنی ئابووری و ڕایگەیاند، بەرزبوونەوەی بازاڕە داراییەکان و دابەزینی نرخی نەوت، هەروەها دابەزینی نرخی کاڵاکانی کۆمپانیاکانی تاکفرۆشی، لە بەرژەوەندیی هەموواندایە.