وەزیری نەوتی عێراق دەڵێت هەوڵدەدەن هەناردەی ڕۆژانەی نەوتی هەرێم زیادبکەن و نەوتی کەرکووکیش لەڕێگەی هەرێمی کوردستانەوە هەناردەی بەندەری جەیهان دەکەن.

هەواڵ:KNNC

حەیان عەبدولغەنی، وەزیری نەوتی عێراق ڕایگەیاند:  لە 23ی ئەم مانگەدا دوو ڕێککەوتنی گرنگ بۆ ئابوریی عێراق لەگەڵ کۆمپانیای شێڤرۆنی ئەمریکی کراوە بۆ وەرگرتنی کێڵگەکانی ڕۆژئاوای قوڕنە2 و بەلەد لە پارێزگای سەڵاحەدین.

لەبارەی نەوتی هەرێمی کوردستانەوە ئاماژەی بەوەدا، کە هەناردەکردنەوەی نەوتی هەرێمی کوردستان ڕۆژانە لەنێوان "200 بۆ 210 هەزار" بەرمیلە و لە هەوڵدان بۆ زیادکردنی ئە بڕەنەوتە.

وەزیری نەوتی عێراق ئاماژەی بەوەشدا لە پلانیاندایە لە ماوەیەکی کورتدا و بەمنزیکانە، 50 هەزار بەرمیل نەوتی ڕۆژانە لە کەرکووک و لەڕێگەی بۆرییە نەوتییەکانی هەرێمی کوردستانەوە هەناردەی بەندەری جەیهانی تورکیا بکەن...