نوری مالیکی دەڵێت لە کاندیدبوون ناکشێمەوە و پەیوەندییەکانیش لەگەڵ ئێران لەسەر بنەمای ڕێزگرتنە لە سەروەریی عێراق.

هەواڵ:KNNC

نوری مالیکی سەرۆکی هاوپەیمانی دەوڵەتی یاسا لە نوێترین لێدوانیدا بۆ ئاژانسی فرانس پرێس ڕەتیکردەوە کە بکشێتەوە لە کاندیدبوون و ڕایگەیاند: کە هیچ نیازێکی نییە کاندیدبوونی بۆ سەرۆک وەزیران بکشێنێتەوە و شتی واش ڕوونادات.

وتیشی ئەگەر ببێتەوە بە سەرۆکوەزیران ڕێگەنادات هێرشبکرێتە باڵیۆزخانە و ناوەندە دیپلۆماسییەکانی هیچ وڵاتێک لە عێراق.

نوری مالیکی لە بەشێکی قسەکانیدا باسی لە پەیوەندییەکانی نێوان عێراق و ئێران کرد و وتی، پەیوەندی لەگەڵ ئێران لەسەر بنەمای بەرژەوەندی هاوبەشە و ڕێزگرتن لە سەروەریی عێراقیش بنەمایەکی سەرەکیی یە.

ئەوەش لە کاتێکدایە فشارەکانی ئەمەریکا بۆ دوورخستنەوەی مالیکی لە کاندیدبوون بەردەوامە و دەوڵەتی یاسا و چوارچێوەی هەماهەنگیش تا ئێستا بڕیاریان لە کشانەوەی نەداوە و تاکە کاندیدی هاوپەیمانییەتییەکەیە...