ئەم چەند ڕۆژە کەش سەقامگیر دەبێت و ئەمساڵیش ئاستی دابارینی بەفروباران سەرو ئاسایی دەبێت و زستانەکەی مێژوویی یە.

هەواڵ:KNNC

کەشناسیی هەرێمی کوردستان پێشبینییەکانی کەشوهەوای بڵاوکردەوە و ڕایگەیاند: ئەمڕۆ و سبەی بەگشتی ئاسمان ساماڵ و پەڵەهەور دەبێت و پلەکانی گەرماش 2 بۆ 4 پلەی سیلیزیی بەرزدەبنەوە.

بەگوێرەی پێشبینییەکان بەرزترین پلەکانی گەرما لەنێوان 5 بۆ 16 پلەی سیلییزییدا دەبن، هاوکات شەوان و دەمەوبەیانیان لە هەندێک ناوچە بەستن و زوقم بوونی دەبێت.

لای خۆشییەوە کەشناس شاڵاو هیدایەت لەبارەی وەرزی دابارینی ئەمساڵەوە بە کەی ئێن ئێنی ڕاگەیاند: تا ئێستا دابارین سەرو ئاستی ئاساییبووە و بۆ تەواوی وەرزی دابارینیش بەو شێوەیە دەبێت.

کەشناسەکە وتیشی، پێشبینی بارانبارین بۆ ماوەکانی داهاتووی ئەمساڵ زۆرباشە و لە چلەی زستانیشدا بەفربارین دەگاتە تەواوی ناوچەکانمان، هەروەها تا یەکەمین مانگی بەهار شەپۆلی زۆرباشی بارانبارین و سەرمای بەهێز هەن، کە دەتوانرێت بوترێت کەشی زستانی ئەمساڵ مێژویی یە...