مارک ساڤایا پەیامێکی بڵاوکردەوە و دەڵێت ئەمساڵ کۆتایی بە گروپەچەکدارەکانی عێراق دێت و بەڵێنی عێراقێکی بەهێز دەدات و دەڵێت ئێمە لە ئێستاوە دەستپێدەکەین.

هەواڵ:KNNC

‎مارک ساڤایا نێردەی تایبەتی دۆناڵد ترەمپی سەرۆکی ئەمەریکا بۆ عێراق پەیامێکی پیرۆزبایی بۆ ساڵی نوێ بڵاوکردەوە و و لەگەڵ پیرۆزباییکردن، هۆشداریی دایە عێراق و لایەنە جیاوازەکان، جەختیکردەوە لە هێنانەکایەی قۆناغێکی نوێی سەقامگیریی و کۆتاییهێنان بە گەندەڵی پرسی چەک و چەکداریی لە عێراق.

‎مارکا ساڤایا وتوشییەتی، لە ساڵی 2026 دا کۆتایی بە پرسی گروپەچەکدارەکانی عێراق دێت و دەبێت ئەو پرسە چارەسەر بکرێت، لەگەڵیدا پۆرسی چەکی بێمۆڵەت لە عێراق ڕێکبخرێت و چەک تەنها لەدەستی دەوڵەتدا بێت.

هاوکات نێردەکەی ترمەپ باسی لە دەستوەردانە دەرەکییەکانی نێو عێراق کردوە و ئاماژەی بەوەداوە، دەبێت عێراق لەمساڵدا بگاتە سەربەخۆیی تەواو و کۆتایی بە تەواوی دەستوەردانە دەرەکییەکان بێت.

‎ساڤایا جەختی لە بەهێزکردنی عێراق داوە و وەک جۆرێک لە بەڵێندان لە کۆتایی پەیامەکەیدا وتویەتی ئەمساڵ جیاوازە و بە "ئێمە ئێستا دەست پێ دەکەین" کۆتایی بە پەیامەکەی هێناوە...