له‌دیدارێكی ته‌له‌فیزیۆنیدا سه‌رۆكوه‌زیرانی عێراق به‌فه‌رمی ڕایگه‌یاند؛ ئیسرائیل هه‌ڕه‌شه‌ ده‌كات و لایه‌نی سێیه‌میش له‌و هه‌ڕه‌شه‌یه‌ ئاگاداری كردونه‌ته‌وه‌.

هەواڵ:KNNC

محه‌مه‌د شیاع سودانی له‌و دیداره‌یدا دوپاتیكرده‌وه‌، هه‌ڕه‌شه‌كانی ئیسرائیل له‌دژی عێراق به‌رده‌وامن و به‌غداش به‌وریاییه‌وه‌ مامه‌ڵه‌ له‌گه‌ڵ ئه‌و هه‌ڕه‌شانه‌ ده‌كات بۆ ئه‌وه‌ی وڵات له‌هه‌ر هێرش و په‌لامارێك به‌دوور بگیرێت.

له‌به‌شیكی تری دیداره‌كه‌یدا سه‌رۆكوه‌زیرانی عیراق ئاماژه‌ی به‌هه‌وڵه‌كانی به‌غدا دا بۆ رێكخستنی دیدارێك له‌نێوان واشنتۆن و تاران .

پێشتر رۆژنامه‌ی شه‌رقلئه‌وشه‌ت ئاشكرایكرد، كه‌ ره‌نگه‌ به‌م نزیكانه‌ له‌لایه‌ن ئیسرائیله‌وه‌ هێرش بكرێته‌ سه‌ر گروپه‌ چه‌كداره‌كانی عیراق به‌ڵام ده‌زگای هه‌واڵگری ئه‌م وڵاته‌ ره‌تیكرده‌وه‌ كه‌ هیچ هه‌ڕه‌شه‌یه‌ك له‌ئارادا بێت بۆ سه‌ر عێراق.