موقته‌دا سه‌در له‌پۆستێكیدا كه‌ له‌تۆڕی كۆمه‌ڵایه‌تی ئێكس بڵاویكردوه‌ته‌وه‌ ده‌ڵێت؛ له‌به‌رده‌م ده‌روازه‌ی ساڵی نوێی زاینیدان و به‌و بۆنه‌یه‌شه‌وه‌ پیرۆزبایی له‌گه‌لی عیراق و مه‌سیحییه‌كان به‌تایبه‌تی ده‌كه‌م.

هەواڵ:KNNC

هه‌روه‌ها ده‌شڵێت: من باوه‌ڕم وایه‌و له‌و بڕوایه‌شدام كه‌ عێراق وڵاتی مه‌سیحی و سه‌رجه‌م ئایینه‌كانی تریشه‌ ،هه‌ریه‌كه‌و به‌پێی ماف و ئه‌ركی خۆی .

ئاماژه‌ی به‌وه‌شكردوه‌ كه‌ هاوڵاتیانی مه‌سیحی له‌گه‌ڵ ئه‌وانیتر به‌شێوه‌یه‌كی ئاشتیانه‌ ده‌ژین و هه‌ر پێشێلكارییه‌كیش له‌لایه‌ن هه‌ندێكیان كه‌ دوای ئاساییكردنه‌وه‌ی په‌یوه‌ندییه‌كان له‌گه‌ڵ ئیسرائیل ده‌كه‌ن یاخود وه‌سفی هاوڕه‌گه‌زخوازو پشتیوانی له‌گه‌نده‌ڵی ده‌كه‌ن ، ئه‌وانه‌ نوێنه‌رایه‌تی مه‌سیحییه‌كان و ئێمه‌ش ناكه‌ن.

به‌وته‌ی موقته‌دا سه‌در مسوڵمان و مه‌سیحییه‌كان باوه‌ڕێكی تۆكمه‌یان به‌هه‌ردو ئایینی  ئاسمانیی موحه‌مه‌د و عیسا هه‌یه‌ كه‌ له‌پێناو چاكسازی و ئاشتی و دادوه‌ری و شكۆمه‌ندیدا هاتوون.