نه‌جیب ساویرس گه‌وره‌ سه‌رمایه‌داری میسری پێشبینیده‌كات تاوه‌كو كۆتایی ساڵی داهاتو نرخی ئۆنسه‌یه‌ك زێڕ بگاته‌ پێنج بۆ شه‌ش هه‌زار دۆلار.

هەواڵ:KNNC

له‌لێدوانێكی رۆژنامه‌وانیدا ئه‌و سه‌رمایه‌داره‌ میسرییه‌ ده‌ڵێت له‌ماوه‌كانی داهاتودا نرخی زێڕ به‌رز بوونه‌وه‌ی خێرا به‌خۆوه‌ ده‌بینێت و كۆمه‌ڵێك هۆكاریش له‌پشت ئه‌و به‌رز بوونه‌وه‌یه‌ن.

ئاماژه‌ی به‌وه‌شكردوه‌ كه‌ ئاستی خواست له‌سه‌ر زێڕ به‌راورد به‌خستنه‌ روو زیاتره‌، ئه‌مه‌ جگه‌ له‌ناسه‌قامگیری جیۆسیاسی له‌جیهان و بانكه‌ ناوه‌ندییه‌كانیش به‌رده‌وامن له‌دابه‌زاندنی ڕێژه‌ی سوود.

ساویرس كه‌خۆی بە گەورەترین وەبەرهێنەری جیهان لە کەرتی زێڕدا دەزانێت،كه‌ له‌سه‌ره‌تای ئه‌مساڵه‌وه‌ سامانه‌كه‌ی به‌بڕی نزیکەی ٣.٢٢ ملیار دۆلار زیادیکردووە.