دۆخی بەرهەمهێنانی گاز و کارەبا نزیکە لە پێش هێرشەکەی سەر کۆرمۆر و وەزیریش دەڵێت داوای سیستمی بەرگریی دژەدرۆن کراوە و ئەمجارە عێراقیش بەڕاستیی لەسەر هێڵە.

هەواڵ:KNNC


کەمال محەممەد وەزیری سامانەسروشتییەکان و کارەبای حکومەتی هەرێمی کوردستان لە نوێترین لێدوانیدا لەبارەی دۆخی بەرهەمهێنانی گاز و کارەبا پاش هێرشەکەی کۆرمۆر، ڕایگەیاند: دۆخەکە لە کۆرمۆر بەرەو ئاساییبوونەوە دەچێت و پاش ئەوەی سێ هەزار مێگاوات کارەبا بەهۆی هێرشەکەوە لەدەستچوو، ئێستا ئاستی بەرهەمهێنانی کارەبا گەیشتوەتەوە دوو هەزار مێگاوات و پێشبینیش دەکەن تا ئێوارەی ئەمڕۆ بگاتەوە ئاستی پێش هێرشەکە کە چوار هەزار بۆ چوار هەزار و 500 مێگاواتە.

کەمال محەممەد لەبارە بەرهەمی غازی کێڵگەی کۆرمۆرەوە وتی، لە ڕابردوودا ئاستی بەرهەمهێنانی غاز لە كێڵگەکە کۆرمۆر، 530 ملیۆن مەتر سێجا بوو، لە ئێستادا گەیشتووەتە 404 ملیۆن پێ سێجا، واتە 76%ی بەرهەمهێنان.

وەزیری سامانەسروشتییەکان وتی، هەرچەندە یەکێک لە ئامنجەکانی هێرشکەران دروستکردنی کێشەبوو بۆ غازی ماڵان، بەڵام دوێنێ یەکەم کاروانی غازی ماڵان لەلایەن وەزارەتی نەوتی فیدراڵەوە بۆ هەرێمی کوردستان نێردرا و بەسەر شارەکاندا دابەشکرا.

لەبارەی سیستمی بەرگریی کەمال محەممەد وتی، حكومەتی هەرێم و کۆمپانیای دانەگازیش داوای سیستمی بەرگریی ئاسمانیی دژەدرۆنیان بۆ كێڵگەی کۆرمۆر کردووە و بابەتەکەش لەگەڵ هاوپەیمانان و  دۆستانی هەرێمی کوردستان باسکراوە و حکومەتی عێراقیش ئەمجارە بەڕاستیی لەسەرهێڵە بۆ بابەتەکە...