ئەنەکەسە دەڵێت: ئەو گردبوونەوانەی ئەحمەد شەرع داوای کرد دژایەتی کورد و پێکهاتەکانی سوریابوو، دەبێت حکومەتی کاتیی وڵاتەکە هەڵوێستیان لەبارەی هەبێت.

هەواڵ:KNNC


ئەنجومەنی نیشتیمانی کورد لە سوریا-ئەنەکەسە لەبارەی ئاڵۆزییەکانی سوریا ڕاگەیەندراوێکی بڵاوکردەوە و ڕایگەیاند: ئەو گردبونەوانەی  ئەحمەد شەرع داوای کردبوو، وتاری دنەدان و ڕەگەزپەرستانەیان تێدا وترایەوە دژی کورد و پێکهاتەکانی دیکەی سوریا، ئەوەش دژی پیکەوەیی یە.

ئەنەکەسە لەوبارەیەوە داوای لە حکومەتی کاتيی سوریا کردوە هەڵوێستێکی ڕوون و ئاشکرای هەبێت بۆ ڕەتکردنەوەی وتارە ڕەگەزپەرستانە و دژەپێکەوەییەکان.

لە ڕاگەیەندراوەیەکەدا ئەنجومەنەکە جەختیکردوەتەوە لەوەی رێگەی سەقامگیریی بە دانپێدانانی ڕاشکاوانە دەستپێدەکات بەوەی سوریا دەوڵەتێکی فرەنەتەوەیی و فرەئایینی و تائیفەی جۆراوجۆرەو دەبێت دەستورەکەی مافەکانی هەمووان بە مافە نەتەوەییەکانی گەلی کوردیشەوە لە چوارچێوەی وڵاتەکە دەستەبەربکات.

ئەوەش دوای ئەودێت کە لە کاتی ئاڵۆزییەکانی نێوان عەلەوییەکان و حکومەتی وڵاتەکەدا، ئەحمەد شەرع لەڕێگەی پەیامێکی ڤیدیۆیی یەوە داوای لە لایەنگرانی کرد بڕژێنە سەر شەقام و پارێزگاریی لە یەکییەتی و یەکپارچەی وڵاتەکە بکەن.

ئەنەکەسە پابەندبونی خۆی بە کارکردن لەپێناو سوریایەکی ناناوەندیی و دیموکراسیی و فرەیی دووپات کردوەتەوە، کە شكۆی هەموو هاووڵاتییانی تێدا پارێزراوبێت و ڕێز هەمووان بگرێت بەبێ یەکترسڕینەوەی ئەوانی دیکە...