ئەمڕۆ دەست بە دابەشکردنی موچە دەکرێت و وەزارەتیش ڕایگەیاندوە پاش نیوەڕۆ بانکەکان پارەیان تێدادەبێت و پێش ئەو کاتە موچە دابەشناکرێت.

هەوا:KNNC

ئەمڕۆ یەکەمین ڕۆژی دابەشکردنی موچەی مانگی ئەیلول یاخود 9یە لە هەرێمی کوردستان و بەپێی ڕاگەیەندراوی وەزارەتی دارایی سەرجەم ئەو موچەخۆرانەی لە خشتەکەدا ئەمرۆ موچەکانیان پێدەدرێت، دەبێت لەدوای کاتژمێر 01:00ی نیوەڕۆوە بچن بۆ وەرگرتنی موچەکانیان چونکە پێش ئەو وادەیە پارە لە بانکەکان نییە.

وەزارەتی دارایی و ئابوریی لەبارەی هۆکاری نەبونی پارە لە بانکەکان وتویەتی، ڕێکارەکانی هێنانی پارە پاش پارەدارکردنی وەزارەتیان لەلایەن دارایی عێراقەوە، کاتی دەوێت و دوای نیوەڕۆ پارە بوونی دەبێت.

بەپێی ئەو خشتەیەیە وەزارەتی دارایی و ئابوریی حکومەتی هەرێمی کوردستان بڵاویکردەوە و لەمڕۆوە و بە سێ ڕۆژ موچەی تەواوی موچەخۆران دابەشدەکرێت، ئەمڕۆش هەریەک لە خانەنشینی شارستانیی و پێشمەرگە، زیندانیانی سیاسی، بەرکەوتوانی کیمیاباران، شەهیدان و ئەنفالکراوان، پەروەردە، تەندروستیی، خوێندنی باڵا و توێژینەوەی زانستیی، موچەکانیان وەردەگرن....