وەزیری دەرەوەی عێراق دەڵێت هێرشەکەی سەر کۆرمۆر لە ناوخۆی وڵاتەوە ئەنجامدراوە، بەرپرسیارییەتی دووبارەبوونەوەی هێرشەکانیش دەخاتە ئەستۆی حکومەتی عێراق.


هەواڵ:KNNC

فوئاد حسێن وەزیری دەرەوەی عێراق لەبارەی هێرشەکەی سەر کۆرمۆر قسەیکرد و ڕایگەیاند: ئاشکرایە کە هێرشەکەی سەر کۆرمۆر کارێکی تیرۆریستییە و هێرشەکەش لەناوخۆی وڵاتدا کراوە، بۆ زانیاریی لەبارەی ئەنجامدەرانیش دەبێت چاوەڕوانی کۆتایی لێکۆڵینەوەکان بکەین.


ئاماژەی بەوەشکرد، ئەو هێرشانەی لە ڕابردوودا ئەنجمادراون بۆسەر کەرتی وزە، ڕاپۆرت و دەرئەنجامەکانیان لای حکومەتی عێراقە بە ناوی کەسولایەنەکانیشەوە، بەڵام بەداخەوە حکومەت ڕاپۆرتەکانیی بڵاونەکردەوە، ئەوەس هۆکاری چەندبارەبوونەوەی هێرشەکانە، چونکە ئەگەر ڕاپۆرتەکە بڵاوبكرایه‌ته‌وه‌و ڕێکار بگیرایەتەبەر، هیچ ڕوودوێکی هاوشێوە ڕووی نەدەدا.

لەبارەی ئەنجامدەرانی هێرشەکەی کۆرمۆر، فوئاد حسێن وتی، لایەنەکە ناسراوەو ئەو لایەنەی هێرشەکەی ئەنجامداوە گروپێکە کە چەکی گرنگ‌ و پێشکەوتوی هەیە...