پلەکانی گەرما پێنج پلە دادەبەزن و کەشناسێکیش دەڵێت: بارانبارین نزیکە.

هەواڵ:KNNC

دەستەی کەشناسیی و بومەلەرزەزانیی هەرێمی کوردستان پێشبینییەکانی کەشوهەوای ئەم دو ڕۆژەی بڵاوکردەوە و ڕایگەیاند: ئاسمان ساماڵ و پەڵەهەور دەبێت، لە ناوچە شاخاویەکانیش هەوری تەواو دەبێت، هەروەها پلەکانی گەرما دادەبەزن.

بەپێێ پێشبینییەکانی کەشوهەوا لەم دوو ڕۆژەدا پلەکانی گەرما نزیکەی پێنج پلەی سیلیزی دادەبەزن و سەرما ڕوو لە ناوچەکە دەکات.

ئەوەش لە کاتێکدایە بۆ ئەمڕۆ پێشبینی بەرزترین پلەکانی گەرما بەم جۆرەن، گەرمترین گەرمیانە کە 34 پلەی سیلیزیی یە و فێنکترین حاجی ئۆمەرانە کە 19 پلەی سیلیزیی یە، کەرکوک 28 پلە، هەولێر و هەڵەبجە 27 پلە، سلێمانی 26 پلە، دهۆک 25 پلەی سیلیزیی دەبن.

لەبارەی بارانبارینیشەوە شاڵاو هیدایەت شارەزای بواری کەشناسیی بە کەی ئێن ئێنی ڕاگەیاند: لە ناوەڕاستی ئەم مانگەوە شەپۆلێکی بارانبارینی سەرتاسەریی و هەورە بروسکە تەواوی ناوچەکانی هەرێمی کوردستان دەگرێتەوە و دەبێتە یەکەمین شەپۆل کە سەرجام ناوچەکان بگرێتەوە...