وەزیری دەرەوەی ئێران دەڵێت: چیتر خەڵاتی نۆبڵی ئاشتیی متمانەی نەماوە و تەنها ئامڕازێکە دژی نەیارانی وڵاتانی ڕۆژئاوا.

هەواڵ:KNNC

عەباس عەراقچی وەزیری دەرەوەی ئێران لە واڵی خۆی لە تۆری کۆمەڵایەتی ئێکس لەبارەی خەڵاتی نۆبڵی ئاشتیی قسەیکردوە و ڕایگەیاندوە: خەڵاتە بەناوبانگەکەی ئاشتیی متمانەی جارانی نەماوە و بۆ زۆر کەس لە جیهاندا لەمێژە ئەو خەڵاتە متمانەی لەدەستداوە کە دەبوو هەیبێت.

ئاماژەی بەوەشداوە، ڕاستییەکەی ئەوەیە کە خەڵاتی نۆبڵی ئاشتیی هەمیشە وەک ئامڕازێکی هێرشکردن و هەڕەشە بۆسەر نەیارانی وڵاتانی ڕۆژئاوا بەکارهاتوە، وڵاتگەلێک کە ئەوان بە دژەبەرژەوەندیی خۆیانی دەزانن وەک دوژمی ئاشتیی دەبینرێت.

بۆ سەلماندنی قسەکانی، عەباس عەراقچی باسی لە نۆبڵی ئەمساڵی ئاشتیی کردوە و وتویەتی، بەخشینی خەڵاتی نۆبڵی ئەمساڵ بە ماریا کۆرینا ماچادۆ، کەسایەتییەک کە لەگەڵ شەڕکردن بوو دژی وڵاتەکەی خۆی، لەگەڵ ئەوەشدا تاوانکارییەکانی کۆمەڵکوژیی فەڵيستینییەکان بەشکۆ و پیرۆزدەکات، دەرخەری نائاشتییبونە.

لە کۆتاییدا باسی لەوەکردوە، کە خودی براوەی خەڵاتی نۆبڵی ئاشتی ئەمساڵ، خۆی لە هەژمارە تۆڕەکۆمەڵایەتییەکانی پەیوەندییەکی تەلەفۆنی خۆی و بنیامین نەتانیاهۆی سەرۆکوەزیرانی ئیرائیکلی ئاشکراکردوە و پشتیوانی تاوانەکانی سەر هاووڵاتیانی غەززەی کردوە و بزوتنەوەی حەمماسی وەک تیرۆرست ناوبردوە....