بە پێی یاساکانی دژە تیرۆری حكومه‌تی پاكستان (بزوتنه‌وه‌ی له‌به‌یكه‌ پاكستان)ی قه‌ده‌غه‌ كرد.

هەواڵ:KNNC

نووسینگەی شێهباز شەریف سەرۆکوەزیرانی پاكستان لە بەیاننامەیەکدا ڕایگەیاند: کابینەی فیدراڵی بە کۆی دەنگ گەیشتووەتە ئەو ئەنجامەی کە بزوتنه‌وه‌ی ناوبراو  سەرقاڵی تیرۆر و چالاکیی توندوتیژییە.

ئاماژه‌ به‌وه‌شكراوه‌ كه‌ بزوتنه‌وه‌كه‌ به‌رپرسیاره‌ له‌و توندوتیژیانه‌ی به‌هۆی خۆپیشاندان و ناڕه‌زاییه‌كانی دژ به‌هێرشه‌كانی ئیسرائیل بۆ سه‌ر غه‌ززه‌ كه‌وتبوونه‌وه‌ كه‌ به‌هۆیه‌وه‌ ژماره‌یه‌ك پۆلیس و هاوڵاتی بێ تاوان بوونه‌ قوربانی .

له‌ماوه‌كانی رابردودا له‌پاكستان زنجیره‌یه‌ك خۆپیشاندانی ناڕه‌زایی له‌دژ جه‌نگی غه‌ززه‌ ئه‌نجامدران و لایه‌نگرانی بزوتنه‌وه‌كه‌ش به‌سه‌رۆكایه‌تی سه‌عد ره‌زوی له‌چه‌ند ناوچه‌یه‌ك ده‌ستیان دایه‌ خۆپیشاندان و دواتر توندوتیژی لێكه‌وته‌وه‌.

بزوتنه‌وه‌ی له‌به‌یكه‌ پاکستان بەشداری هەڵبژاردنی پەرلەمانی ساڵی 2018 و 2024ی کرد به‌ڵام هیچ کورسییەکی پەرلەمانی بەدەست نەهێنا و له‌گه‌ڵ ئه‌وه‌شدا لە هەردو هه‌ڵبژاردنه‌كه‌ زیاتر لە دوو ملیۆن دەنگی بەدەستهێنا و
لە هەڵبژاردنەکانی شوباتی 2024 یشدا ته‌نیا یەک کورسی لە ئەنجومەنی پارێزگای پەنجاب بەدەستهێنا.