بزوتنەوەی ئیسلامیی كوردستان بایكۆتی هەڵبژاردن دەكات و دەڵێت هەڵبژاردنەكان هیچ گۆڕانكارییەكی راستەقینە ناهێننە ئاراوە.

هەواڵ:KNNC

عەبدوڵا وەرتی وتەبێژی بزوتنەوەكە لەكۆنگرەیەكی رۆژنامەوانیدا بایكۆتكردنی بزوتنەوەكەیان لەهەڵبژاردنی داهاتوی پەرلەمانی عیراق .

وەرتی ئاماژەی بەوەشكرد بڕیاری بایكۆتكردنەكەیان لەوەوە سەرچاوەی گرتوە كە هەڵبژاردن نابێتە هۆی چاكسازی و گۆڕانكاری راستەقینە ، بەڵكو بوەتە ئامرازێك بۆ سەرلەنوێ بەرهەمهێنانەوەی هەمان توێژی سیاسی هەژمونكارو  و یاسای هەڵبژاردنیش لەخزمەتی هێزە گەورەكان داڕێژراوە و میكانیزی دەنگدانی ئەلەكترۆنیش بەئاسانی لەلایەن دەسەڵاتدارانەوە بۆ مەرام و بەرژەوەندی خۆیان بەكار دێت

وتەبێژەكەی بزوتنەوەی ئیسلامی راشیگەیاند؛ واپێویست دەكات پەرلەمان دامەزراوەیەك بێت نوێنەرایەتی ئیرادەی گەل بكات و گوزارشت لەگشت پێكهاتەكان بكات بەڵام پەرلەمان رۆڵی سەرەكی خۆی لەدەستداوە و پەرلەمانتارانی هەرێمیش لەبەغدا هیچ كاریگەرییەكی ئەوتۆیان نەبوە لەچارەسەركردتی دۆسێ چارەنوسسازەكانی وەك مافی مرۆڤ و شایستە داراییەكان .