بەپێی راپۆرتی میدیایەكی عێراقی دەستكراوە بەبەخشینەوەی دەمانچەو پارەو جلوبەرگی ژنان و دەم چەوركردنی دەنگدەران .
هەواڵ: KNN
ماڵپەڕی بەغدادلیەم لەراپۆرتەكەیدا بڵاویكردوەتەوە؛ پرۆسەی هەڵبژاردن لەعیراق بۆ گۆڕەپانێكی كراوەی لێوان لێو لە پشێوی گۆڕاوە بەجۆرێك هەر لەئێستاوە هەوڵی كڕینی كارتی دەنگدان دەدرێت لەڕێگەی پارەی سیاسی كە بەدزی و گەندەڵی بەدەستهاتووە.
لەزاری شارەزایانەوە ئاماژە بەوەكراوە " ئەوەی لەئارادایە رەنگدانەوەی واقیعێكی مەترسیدارە و هەڕەشە لەخاوێنی هەڵبژاردنەكانی داهاتوی ئەم وڵاتە دەكات و پرۆسەی دیموكراسی دەخاتە بەردەم تاقیكردنەوەیەكی سەخت.
بەپێی هەمان سەرچاوە دەستكراوە بەدابەشكردنی دەمانچە بەسەر سەرۆك خێڵ و جلی ژنانەش دەدرێتە دەنگدەرانی ئافرەت و نرخی هەر كارتێكی دەنگدانیش لەنێوان 100 بۆ 500 دۆلاردایە.
مستەفا تائی، شارەزای کاروباری ستراتیژی دەڵێت؛ "پارەی سیاسی بەشێوەیەکی بەرچاو و زۆر مەترسیدار دەستی بە دەرکەوتن کردووە، ئەم پارەیە لەسەر بنەمای دزی و گەندەڵییە، ئەوەش نیشاندەرێکی مەترسیدارە بۆ نادادپەروەری ڕکابەریی سیاسی و هەڵبژاردن، ئەم پارەیە دەبێتە فاکتەرێکی کاریگەر و گرنگ بۆ گۆڕینی ئیرادەی دەنگدەران".
77 جار خوێندراوەتەوە