وەزارەتی پێشمەرگە لەراگەیەنراوێكیدا  سەرەخۆشی خۆی  ئاراستەی وەزارەتی بەرگری عیراق و كۆلیژی سەربازی قەڵاچوالان كردوە

هەواڵ: KNN

وەك لەراگەیەنراوەكەدا هاتوە  بەداخەوە ئەمڕۆ سێ شەممە 2ی ئەیلولی 2025 لە خولی(89) کۆلێژی سەربازی قەلاچۆلان لەکاتی مەشقی چەکی کاریگەر کە بەشێک بووە لە پڕۆگرامی خوێندنی خولی(89) کۆلێژی سەربازی قەلاچۆلان، تەقینەوەیەک روویداوە لە ئەنجامدا(3)خوێندکار بریندار دەبن و خوێندکارێکیش گیانی لەدەست دا کە سەرجەمیان سەر بە سوپا و  وەزارەتی بەرگری عێراق بوون.

ئاماژە بەوەشكراوە كە بەو بۆنە خەمناکەوە، پرسە و سەرەخۆشی خۆمان ئاراستەی وەزارەتی بەرگری عێراق و کۆلێژی سەربازی قەلاچۆلان و خانەوادە و هاوڕێیانیان دەکەن و  هیوای زوو چاکبونەوەش  بۆ بریندارەکانی روداوە نەخوازراوەكە دەخوازین.