ئەمڕۆ پێنجشەممە میدیایەکی قەتەری بڵاویکردۆتەوە کە ئەمریکا رۆڵی یەکلاکەرەوە دەبینێت لە دیاریکردنی سەرۆک وەزیرانی داهاتوی عێراقدا

هەواڵ: KNN



پێگەی (عەرەبی 21)ی قەتەری لە راپۆرتێکی شیکاریدا ئاماژە بەوە دەکات کە واشنتۆن سەرۆک وەزیرانی داهاتوی عێراق دیاری دەکات و فشارەکانیشی بۆ راگرتنی یاسای حەشدی شەعبی، ئامادەکارییە بۆ ئەو ڕوداوانەی کە دواتر ڕو دەدەن.

پێگەی (عەرەبی 21)ی قەتەری دەشڵێت: محەمەد شیاع سودانی، بژاردەی ئەمەریکا نیە بۆ سەرۆک وەزیرانی داهاتوی عێڕاق، چونکە لە ئاستی متمانەی ئەمەریکا و وڵاتانی رۆژئاوادا نیە.

بڵاو بونەوەی ئەو ڕاپۆڕتە شیکاریە دوای ئەوە دێت هەفتەی پێشو سایتی  – RealClearWorld ئەمریکی لەراپۆرتێكیدا بڵاویكردوە، ترەمپ كۆتایی بەڕۆڵی سودانی لەعیراق دەهێنێت و ئامانج لەسەپاندنی باجە گومرگییەكان و هەڕەشەی سەپاندنی سزا لەدژی عیراق لەلایەن ئەمریكاوە بۆ دوورخستنەوەی محەمەد شیاع سودانی سەرۆكوەزیران و ئەو هاوپەیمانێتیە نوێیەیە كە بۆ بەشداریكردن لەهەڵبژاردن دروستی كردوە.