میدیایەكی ئەڵمانی : بەغدا ناچارە لە نێوان ئەمریكاو ئێران یەكێكیان هەڵبژێرێت

KNN : Kurdish News Network
05:50 - 28/08/2025
عێراق
+
-

میدیایەكی ئەڵمانی :  بەغدا ناچارە لە نێوان ئەمریكاو ئێران یەكێكیان هەڵبژێرێت

 

هەواڵ: KNN

تۆڕی هەواڵی (DW) ئەڵمانی لەڕاپۆرتێكیدا بڵاویكردوەتەوە؛ لەئێستادا عیراق لەبەردەم دوڕیانێكدایەو ناچارە لەنێوان ئەمریكاو ئێران یەكێكیان هەڵببژێرێت.

 

وەك لەراپۆرتەكەدا هاتووە؛ ئەمریكا پێیوایە تێپەڕاندنی یاسای حەشدی شەعبی هەنگاوێكە بەئاراستەی سەپاندنی هەژمونی ئێران لەعیراق و پەسەند كردنی تارانە وەك هاوپەیمانێكی ستراتیژی،هەربۆیە واشنتۆن هەڕەشەی سزادانی بەغدای كردوە لەرێگەی دەستبەسەرداگرتنی داهاتی نەوت كە ئەوەش بۆ عیراق كارتێكی فشارە بۆ ئەوەی لەبری ئێران روو لەئەمریكا بكات.

 

ئاماژە بەلێدوانێكی مەحمود مەشهەدانی سەرۆكی پەرلەمانی عیراقیش كراوە كەتیایدا جەختی لەسەر تێنەپەڕاندنی یاسای حەشدی شەعبی كردوەتەوەو رایگەیاندوە كە رەنگە یاساكە لەدوای كۆمەڵێك چاكسازی لەدامەزراوەی حەشدی شەعبیدا ئینجا تێپەڕێنرێت بۆ ئەوەی دڵنیایی بدرێتە لایەنی ئەمریكی.

80 جار خوێندراوەتەوە