پسپۆڕێكی ئابوریی عێراقی ئاشكرایكرد؛ ڕاگرتنی
ئینتەرنێت بەپاساوی تاقیكردنەوە زیانەكەی نزیكەی دوو ملیۆن دۆلارە.
هەواڵ: KNN
حەیدەر
شێخ شارەزای ئابوری لەلێدوانێكی رۆژنامەوانیدا رایگەیاند؛ بچڕان و راگرتنی
بەردەوامی خزمەتگوزاری ئینتەرنێت لەعیراقدا زیانێكی گەورەی ئابوری هەیە دەبێتە هۆی پەكخستنی بازرگانی ئەلەكترۆنی و
راگرتنی حەواڵە داراییەكان و بەكارهێنانی كارتە بانكییەكان لەنێو ماركێت و
وێستگەكانی سوتەمەنی.
ئاماژەی بەوەشكردوە؛ كە بەپاساوی تاقیكردنەوەكان
بۆماوەی 14 رۆژ خزمەتی ئینتەرنێت رادەگیرێت و ئەوەش زیانەكەی بەدوو ملیۆن دۆلار
دەخەمڵێنرێت.
وەك ئەو پسپۆڕە ئابورییە دەڵێت ؛ زیانە داراییەكان
هەر بەتەنیا ژمارەیەك نین بەڵكو ئاماژەیە بۆ فشۆڵی ئابوری دیجیتاڵی لەعیراق كە
لەلایەن كەسانی نەشارەزاوە بەڕێوەدەبرێت.
وەك ئەو پسپۆڕە دەڵێت؛ راگرتنی خزمەتگوزاری
ئینتەرنێت بەبیانووی تاقیكردنەوە هیچ بنەمایەكی یاسایی نیە بەڵكو بەفەرمانێكی
مەركەزی لەلایەن وەزارەتەكانی پەروەردەو پەیوەندییەكانەوە رادەگیرێت بێ ئەوەی
رەچاوی زیانە ئابورییەكان بكرێت.
126 جار خوێندراوەتەوە