بەپێی ئامارێكی كۆمەڵەی مانگی سەوزی توركی ساڵانە بەهۆی ئالودەبوون بەماددەی هۆشبەرو جگەرە كێشان و قوماركردن و مەی نۆشینەوە ئەنقەرە بڕی 78 ملیار دۆلاری لەكیس دەچێت.

هەواڵ: KNN

 وەك لەراپۆرتێكی كۆمەڵەكەدا هاتووە، ساڵانە بڕی 24 مليار دۆلار بۆ توتن وجگەرە كێشان و نزیكەی 9 مليار دۆلار بۆ ماددە كهولییەكان و 5 مليار دۆلار بۆ ماددەی هۆشبەرو نزیكەی 40 مليار دۆلاریش بۆ قوماركردن دەڕوات و بەوەش لەیەك ساڵدا بڕی 78 ملیار دۆلار لەكیس  توركیا دەچێت ئەمە جگە لەكاریگەرییە خراپەكانی ئالودەبوون لەسەر تەندروستیی گشتی  و سەلامەتیی ژینگە.

بەپێی هەمان راپۆرت لەدوو دەیەی رابردودا بەكاربردنی جگەرە لەتوركیا بەڕێژەی لە 39% بەرز بوەتەوەو پاشماوەی جگەرەش لەساڵێدا نزیكەی پێنج هەزار ئۆتۆمبیلی بارهەڵگر پڕدەكاتەوە .

ئاماژە بەوەشكراوە لە 40%ی ئەو ئاگرانەی لەتوركیا دەكەونەوە پەیوەندی بەجگەرەوە هەیە كە زیانەكانی ساڵانە دەگاتە 4 ملیار دۆلار.

هەرچی مەی و ماددە كهولییەكانیشە ساڵانە 1 .3 مليار لیتردەخورێتەوە كە تێچوەكەی دەگاتە 5 مليار دۆلار و زیان و لێكەوتە ماڵییەكانیشی دەگاتە 15 مليار دۆلار