وەزارەتی ناوخۆی هەرێمی کوردستان رایگەیاند، شەوی رابردوو بەهۆی خۆپیشاندانی بەشێک لە هاوڵاتییانی وەرتێ و لە ئەنجامی گرژییدا کەسێک بەناوی حەسەن رەحمان بووە قوربانی.
هەواڵ:KNNC
وەزارەتی ناوخۆ لەبارەی روداوەکەی شەوی ڕابردوی ناحیەی وەرتی راگەیەندراوێکی بڵاوکردەوە و دەڵێت:
شەوی یەک شەممە رێکەوتی 13ی تەموزی 2025، بەهۆی گردبونەوە و خۆپیشاندانی بەشێک لە هاوڵاتییان لە سنوری ناحیەی وەرتی لە ئیدارەی سۆران، لە ئەنجامی گرژیدا هاووڵاتییەک بەناوی حسن رەحمان بۆتە قوربانی.
دەستبەجێ لایەنە پەیوەندیدارەکان راسپێردراون بۆ لێکۆڵینەوە و گرتنەبەری رێکاری یاسایی.
وەزارەتی ناوخۆ ئاماژەی بەوەشکرد: هاوڵاتیان و کەسوکاری قوربانییەکە دڵنیا دەکەینەوە کە مافی هەمو لایەک پارێزراو دەبێت و لە دادگا رێکاری یاسایی جێبەجێ دەکرێت.
89 جار خوێندراوەتەوە