تاران ڕایگەیاندوە، کە ناگەڕێتەوە بۆ دانوستانە ناڕاستەوخۆکان لەگەڵ ئەمەریکا سەبارەت بە بەرنامە ئەتۆمییەکە، تا پێشوەختە لە ئەنجامەکانی دڵنیا نەبێت و هیچ وادەیەکیش دیاری نەکراوە بۆ دەستپێکردنەوە دانوستانەکان


هەواڵ:KNNC

ئەمڕۆ دوشەممەوە، لە بارەی دگاڕانەوە بۆ دانوستانەکان لەگەڵ ئەمەریکا، ئیسماعیل باقایی وتەبێژی وەزارەتی دەرەوەی ئێران رایەگیاند: تا ئێستا "هیچ وادەیەکی دیاریکراو نییە" بۆ دیداری نێوان عەباس عەرەقچی، وەزیری دەرەوەی ئێران و ستیڤ ویتکۆف، نێردراوی ئەمەریکا بۆ تاوتوێکردنی بەرنامەی ئەتۆمی ئێران.

بەقایی ئاماژەی بەوەشداوە، ئەوان ناگەڕێنەوە بۆپ دانوستانەکان، تا پێشوەختە  دڵنیانەبن لە ئەنجامی دانوستانەکان.


وەزیری دەرەوەی ئێران و  ویتکۆفی نێردەی ترەمپ بۆ کاروباری ڕۆژهەڵاتی ناوەڕاست،  لە مانگی نیسانی ساڵی ڕابردوەوە پێنج خولی دانوستانیان ئەنجامدا، پێش ئەوەی ئیسرائیل لە 13ی حوزەیران هێرشەکانی بۆ سەر ئێران دەستپێبکات و شەڕێکی 12 ڕۆژەی لێکەوتەوە و بوە هۆی وەستاندنی دانوستانەکانی نێوان ئەمەریکا و ئێران.

ئەمە لە کاتێکدایە، لە چەند ڕۆژی رابردودا مەسعود پزیشکیانیش ڕایگەیاندبوە، ئامژادەن بۆ گفتوگۆکردن لەسەر بەرنامە ئەتۆمییەکانی وڵاتەکەی لەگەڵ ئەمەریکادا و ئەوان هیچ کاتێک دەرگای دیپلۆماسی داناخەن.