وه‌زاره‌تی كاره‌بای حكوومه‌تی هه‌رێمی كوردستان ئاماژه بۆ ئه‌وه ده‌كات كه 450 هەزار هاوبەشی ماڵان و 90 هەزار هاوبەشی بازرگانی لە کارەبای 24 کاتژمێری سوودمەندن و زیاتر لە 2100 مۆلیده هەڵگیراون.
هەواڵ:KNNC
ئه‌مرۆ پێنجشه‌ممه 10ی ته‌مموزی 2025، وەزارەتی کارەبای هه‌رێمی كوردستان ڕاگه‌یاندراوێكی بڵاو كرده‌وه و تیایدا هاتووه، وه‌زاره‌تی كاره‌با بەسەرکەوتوویی توانی لە ماوەیەکی کەمدا پڕۆژەی ڕووناکیی کارەبای 24 کاتژمێری بگەیەنێتە 450 هەزار هاوبەشی ماڵان و 90 هەزار هاوبەشی بازرگانی، بەمەش 2,000,000 ملیۆن هاوڵاتی لەم خزمەتگوزارییە سوودمەندبوونە کە تا ئێستا نزیکەی لە (30%)ی پڕۆژەکە، جێبەجێ کراوە.
ئه‌وه‌ش خراوه‌ته ڕوو، زیاتر لە 2100 مۆلیده هەڵگیراون و تاکوو کۆتایی ساڵی 2026 زیاتر لە 7000 مۆلیدهی گازوایلی گەڕەکەکان دەکوژێنرێتەوە.
بڕیارە تا کۆتایی ساڵی 2026، هەموو کوردستان بگرێتەوە.
122 جار خوێندراوەتەوە