عێراق لە ریزبەندی ئەو وڵاتانەی جیهان پاشەکشێی کردوە کە خاوەنی زۆرترین یەدەگی زێڕن.

ئابوری:KNNC

ئەنجومەنی زێڕی جیهانی لە خشتەیەکدا کە لە مانگی حوزەیرانی ئەمساڵ بڵاوکرایەوە ئاماژەی بەوەکردوە، عێراق لە کۆی 100 وڵاتی ناو خشتەکە لە پلەی 29دایە و لەسەر ئاستی جیهانیش لە پلەی 28 دایە، هەروەها لە پلەی چوارەمی وڵاتانی عەرەبیدایە لەدوای سعودییە و لوبنان و جەزائیر.

ئاماژەی بەوەشکردوە، پشکی زێڕی عێراق 162.7 تۆن بوە، کە دەکاتە 12.9%ی کۆی یەدەگی دیکەی عێراق.

ئەمەریکا لە پێشەنگی لیستەکەدایە و خاوەنی گەورەترین یەدەگی زێڕە لە جیهاندا کە بڕەکەی 8.133.000 تۆنە، لەدوای ئەویش ئەڵمانیا دێت بە یەدەگی 3.351.000 تۆن، دواتر ئیتاڵیا بە 2,451,000 تۆن.