پارتی داد و گەشەپێدانی تورکیا رایگەیاند، بڕیاری خۆهەڵوەشاندنەوە و ڕادەستکردنی چەک هەموو هۆبە و درێژکراوەکانی پەکەکە و پێکهاتە نایاساییەکانی دەگرێتەوە وجێبەجێکردنیشی دەبێتە خاڵی وەرچەرخان.

هەواڵ:KNNC

عومەر چەلیک، وتەبێژی ئاک پارتی رایگەیاند، "بڕیاری پەکەکە بۆ خۆهەڵوەشاندنەوە و چەکدانان لە دوای بانگەوازەکەی ئیمراڵی، قۆناغێکی گرنگە لە ڕوی ئامانجی 'تورکیای بێ تیرۆر".

دەشڵێت: بانگەوازە مێژوییەکەی سەرۆکی گشتیی مەهەپە، دەوڵەت باخچەلی و هەڵوێست و ئاڕاستەکانی بۆ پێشهاتەکان ناونیشانی بەهێزکردنی گشتگیری "بەرەی ناوخۆ"ن.

چەلیک ئاماژەی بەوە کرد کە گفتوگۆ، خۆهەڵوەشاندنەوە و چەکدانان لە دوای بانگەوازەکەی ئیمراڵی، قۆناغێکی گرنگە لە ڕووی ئامانجی 'تورکیای بێ تیرۆر، کۆتاییهاتنی تیرۆر بە تەواوی دەرگای سەردەمێکی نوێ دەکاتەوە، پێویستە ئەم بڕیارە بە کردەیی جێبەجێ بکرێت و بە هەمو ڕەهەندەکانی بەجێبگەیەندرێت.

دەشڵێت: لەلایەن دامەزراوەکانی دەوڵەتەوە بەوریاییەوە چاودێری ئەم پرۆسەیە دەکرێت.