سەرۆکی ویلایەتە یەکگرتووەکانی ئەمریکا، سەپاندنی باجی 100% لەسەر هەمو ئەو فیلمانەی لە دەرەوەی ئەمەریکا بەرهەم دەهێنرێن، راگەیاند.

هەواڵ:KNNC

دۆناڵد ترەمپ، سەرۆکی ئەمەریکا رایگەیاند،ئەو فیلمانەی لەدەرەوەی ئەمەریکا بەرهەمدەهێنرێن هەڕەشەن بۆسەر ئاسایشی نەتەوەیی.

وتیشی: دەسەڵاتی داوە بە دەزگا پەیوەندیدارەکانی حکومەت، وەک وەزارەتی بازرگانی، دەستبەجێ دەستبکەن بە پرۆسەی سەپاندنی باجی 100% لەسەر هەمو ئەو فیلمانەی لە دەرەوەی وڵات بەرهەمدەهێنرێن و دواتر دەنێردرێت بۆ ئەمریکا.

ترەمپ، دەیەوێت جارێکی دیکە فیلم لە ئەمەریکا بەرهەمبهێنرێت.

تا ئێستا رون نییە کە ئایا ئەو باجانە بۆ ئەو فیلمانە دەگونجێت کە لەسەر پلاتفۆرمی ستریمینگ و لە سینەماکان نمایش دەکرێن، یان بە پشتبەستن بە تێچوی بەرهەمهێنان یان داهاتی بۆکس ئۆفیسەکان حیسابی بۆ دەکرێت، بەپێی ئاژانسی رۆیتەرز.