لە مانگی نیسانی ئەمساڵدا، ئێران 122 زیندانی بە تۆمەتی جیاواز لەسێدارەداوە، ژمارەکەش بەراورد بە ساڵی 2024 لە ٪ 59 بەرزبوەتەوە.

هەواڵ:KNNC

رێکخراوی هەنگاو بۆ مافەکانی مرۆڤ بڵاویکردەوە، لە مانگی نیساندا 122 کەس لە زیندانەکانی ئێران لەسێدارەدراون، بەراورد بەساڵی رابردو ئەمکاتە رێژەکە 59٪ زیادکردوە و 77 زیندانی لەسێدارەدراون.

ئاماژەی بەوەشکردوە، لەنێو لەسێدارەدراوەکان دوو ژن هەن کە لە زیندانەکانی مەشهەد و ئەسفەها دەستبەسەرکرابون.

سەبارەت بە هۆکارەکانیش، راپۆرتەکەی هەنگاو ئاشکرایکردوە، بەکارهێنان و بازرگانیکردن بە ماددەی هۆشبەر، کوشتنی بە ئەنقەست لە دیارترین هۆکارەکانن.

دەشڵێت: لەو 122 کەسەی لەسێدارەدراون، تەنها سێ دۆسیەیان لە ماڵپەڕە فەرمییەکانی سەر بە دەزگای دادوەری ئێران بڵاوکراونەتەوە و حەو لەو کەسانەش بەشێوەی نهێنین و بێ ئاگاداری بنەماڵە و کەسوکارەکانیان لەسێدارە دراون.

رێکخراوی مافی مرۆڤی هەنگاو ئاشکراشیکردوە، 12 لەو کەسانەی لەسێدارەدراون، کوردبون.