دوای زیاتر لە مانگێك لە سوتانی بازاڕی دارەسوتاوەکە لە شاری سلێمانی، کارەکانی دوبارە دیزاینکردنەوە و دروستکردنی بازاڕەکە بە سستی بەڕێوەدەچێت، بڕیاریشە بەم نزیکانە قۆناغی دوەمی قەرەبوکردنەوەی کاسبکاران دەستپێبکات.

هەواڵ:KNNC

پەیامنێری KNN لە سلێمانی ڕایگەیاند: دوای زیاتر لە مانگێك لە سوتانی بازاڕی دارەسوتاوەکەی سلێمانی، قۆناغی دوەمی قەرەبوکردنەوە و دوبارە دیزاینکردنەوەی بازاڕەکە بە سستی بەڕێوە دەچێت.

ئاماژەی بەوەش کرد: بڕیارە بەم نزیکانە قۆناغی دوەمی قەرەبوکردنەوەی کاسبکارانی بازاڕی دارەسوتاوەکە دەست پێبکات، کە ژمارەی دوکانە سوتاوەکان 120 دوکانە.

ئەوەشی خستوەتەڕو: شارەوانی سلێمانی سەرپەرشتی دیزاین کردن و دروست کردنەوەی بازاڕەکە دەکات.

هاوکات، کاسبکارێكی بازاڕەکە کە دوکانەکەی سوتاوە بە کەی ئێن ئێنـی وت: سوتانی بازاڕەکە جگە لە زیانگەیاندن بە خاوەن دوکانەکان، زیانیشی بە شاگردەکان گەیاندوە کە ئێستا بێکاربون.