كۆمەڵەی نێودەوڵەتی بۆ جەڵتەی مێشك خەڵاتێكی نێودەوڵەتی بەخشیوە  بە  بەشی هەناوی مێشك و دەمار لە  نەخۆشحانەی شار وەك باشترین و یەكەم سەنتەری چارەسەری جەڵتەی مێشك لەسەر ئاستی عێراق.


هەواڵ:KNNC

بەگوێرەی ڕاگەیەندراوێکی تەندروستی سلێمانی، بۆجاری دوەم نەخۆشخانەی شار خەڵاتێکی نێودەوڵەتی بەدەستهێناوە و  وەک یەکەم سەنتەری چارەسەری جەڵتەی مێشك لەسەر ئاستی عێراق  بەبۆنەی ئەو كەیسانەی تێدا چارەسەر دەكرێت بۆ ئەو خەڵاتە دەستنیشان کراوە.


سەرۆكی بەشی هەناوی مێشك و دەمار لەنەخۆشخانەی شار، دکتۆر زانا عەبدولڕەحمان ڕایگەیاندوە؛ خەڵاتەكەی ئەمساڵی كۆمەڵەی نێودەوڵەتی بۆ جەڵتەی مێشك بۆ نەخۆشخانەی شار پلاتینیۆمە و پلەیەك بەرزترە لە خەڵاتی ساڵی ڕابردو.


ناوبراو ئاماژەی بەوەشکردوە ؛ ئەو خەڵاتەی پێیان بەخشراوە هاوشێوەی وڵاتانی زۆر پێشكەوتوە و دەرخەری ئەوەیە بەشی هەناوی مێشك و دەماری نەخۆشخانەی شار لە سلێمانی باشترین سەنتەری چارەسەری جەڵتەی مێشكە لە تەواوی عێراقدا.