لەڕۆژى جيهانيى كرێكاران بزوتنەوەی گۆڕان رایدەگەیەنێت: لەم ڕۆژەدا دەستی ماندوی کرێکارانی کوردستان ئەگوشین و به‌ گه‌رمى پیرۆزبایی له‌ كرێكارانى كوردستان، عێراق، جيهان و سه‌نديكا و ڕێكخراوه‌كانيان ده‌کەین و داکۆکیکردن لە مافە ڕەوا و  دەربڕینی پشتگيری بۆ داواکانیان؛ کەمترین ئەرکێکە، کە لە ئەمڕۆدا جەختی لێبکەینەوە.

بزوتنەوەی گۆڕان ئاماژە بۆ ئەوەدەكات، پاراستنی مافه‌کانی کرێکاران و ڕه‌خساندنى زه‌مينه‌ى سه‌لامه‌ت و ژينگه‌ى له‌بار و ڕێكخستنى دروستى كاژێره‌كانى كار و يه‌كسانى له‌ ده‌رفه‌تى كاردا؛ کەمترین ئەرکی لایەنە پەیوەندیدارەکانە، هاوکات گرنگیدان به‌ ژيان و گوزه‌رانى كرێكاران و خێزانه‌كانيان ئەرکی لە پێشینەی ڕێکخراوەکانی کۆمەڵگەی شارستانیە.


ئەمەش دەقی راگەیەندراوەكەیە:


بزوتنەوەی گۆڕان: دەستی ماندوی کرێکارانی کوردستان دەگوشین

‎ئەمڕۆ، ١ی ئايار، ڕۆژى جيهانيى كرێكارانە، لەم ڕۆژەدا دەستی ماندوی کرێکارانی کوردستان ئەگوشین و به‌ گه‌رمى پیرۆزبایی له‌ كرێكارانى كوردستان، عێراق، جيهان و سه‌نديكا و ڕێكخراوه‌كانيان ده‌کەین.

داکۆکیکردن لە مافە ڕەوا و  دەربڕینی پشتگيری بۆ داواکانیان؛ کەمترین ئەرکێکە، کە لە ئەمڕۆدا جەختی لێبکەینەوە، بەتایبەت کە کرێکاران هاوشانی چین و توێژەکانی دیکەی کۆمەڵگەی کوردستان، ڕەنجی زۆریان بۆ پڕۆسەی ئاوەدانکردنەوە و بیناکردنەوەی کوردستان کێشاوە.

هەربۆیە، پاراستنی مافه‌کانی کرێکاران و ڕه‌خساندنى زه‌مينه‌ى سه‌لامه‌ت و ژينگه‌ى له‌بار و ڕێكخستنى دروستى كاژێره‌كانى كار و يه‌كسانى له‌ ده‌رفه‌تى كاردا؛ کەمترین ئەرکی لایەنە پەیوەندیدارەکانە، هاوکات گرنگیدان به‌ ژيان و گوزه‌رانى كرێكاران و خێزانه‌كانيان ئەرکی لە پێشینەی ڕێکخراوەکانی کۆمەڵگەی شارستانیە.

دوبارە، جەژنی کرێکاران له‌ هه‌مووان پيرۆز بێت و هیوادارن پشوويه‌كى ئارام و ئاسودەیان لەگەڵ خێزان و کەسوکاریان هەبێت.

بزوتنەوەی گۆڕان
١ی ئایاری ٢٠٢٥