لە روبەروبونەوەیەکدا لە دیمەشق، 11 ئەندامی هێزەکانی ئاسایشی سوریا کوژران، حکومەتی سوریا هێزی زیاتری رەوانەی شارەکە کرد و سوپای ئیسرائیلیش هێزێکی سوریای بۆردومانکرد.

هەواڵ:KNNC

پێشنیوەڕۆی ئەمڕۆ، گروپی ریجالکەرامە هێرشیانکردەسەر بارەگای هێز ئەمنییەکانی سوریا لە دیمەشق و بەهۆیەوە 11 ئەندامی هێزەکانی ئاسایشی سوریا کوژران.

هێزە ئەمنییەکانی سوریا، بەدوای ئەو گروپە نایاسایییانەدا دەگەڕێن کە هێرشیان کردوەتە سەر بازگەکان و ئۆتۆمبێلە مەدەنییەکان لە ناوچەی سەحنایە.

هەروەها، گروپە چەکدارەکان لەناوچەی ئەشرەفییە لەسەر زەوییە کشتوکاڵییەکان بڵاوبونەتەوە و تەقەی هەڕەمەکییان لەو ئۆتۆمبێلانەکردوە کە لەو ناوچەیەوە تێپەڕدەبن.

حکومەتی سوریا، هێزی زیاتری رەوانەی باشوری دیمەشق کردوە بۆکۆنتڕۆڵکردنی دۆخەکە و پاراستنی ئاسایشی دانیشتوانی شارەکە، بەڵام بە وتەی سەرچاوە میدیاییەکان، بەشێک لە ئەندامانی ئەو گروپانە چونەتە سەربانی باڵەخانە بەرزەکان و قەناس و چەکی قورسیان پێیە.

هاوکات، حکومەتی ئیسرائیل رایگەیاند، بۆ بەرگریکردن لە دروزەکان هێرشمانکردوەتەسەر گروپێکی چەکداری سوریا کە هەوڵی هێرشکردنەسەر دروزەکانیان لە باشوری دیمەشق دەدا.