جێگری سەرۆکی دیوانی سەرۆکایەتیی حکومەتی هەرێم رایگەیاند، بەهۆی پابەندنەبوون بەو رێکەوتنەی ساڵی رابردوو لەگەڵی ئەنجامدراوە، سکاڵای یاساییان لەسەر بانکی TBI  تۆمارکردوە.

هەواڵ:KNNC

عەزیز ئەحمەد، جێگری سەرۆکی دیوانی سەرۆکایەتیی حکومەتی هەرێم لە تۆڕی کۆمەڵایەتیی ئێکس نوسیویەتی، نیگەرانین لە دواکەوتنی بانکی بازرگانیی عێراق لە دانانی ئامێری پارەدانی ئەلیكترۆنی لە هەرێمی کوردستان.

دەشڵێت: ساڵی رابردو بانکەکە بەڵێنیدا 100 ئامێری نوێی ڕاکێشانی پارە بۆ (هەژماری من) دابین بکات و جگە لەوەش زیاتر لە 40 هەزار داواکاری لە فەرمانبەرانی حکومەتی هەرێمەوە پێگەیشتووە، بەڵام بانکەکە هێشتا فەرمانی کڕینی دەرنەکردووە و چاپکردنی کارت بۆ فەرمانبەرانی حکومی دواکەوتووە.

رونیشیکردەوە کە بەهۆی ئەوەی بانکەکە پابەند نەبووە بەو رێکەوتنەکە، بە فەرمی سکاڵایان لەسەر تۆمارکردوە.