کەشناسی و بومەلەرزەزانی سلێمانی  پێشبینی 48 کاتژمێری داهاتوی بڵاوکردەوە دەڵێت؛ ئاسمان لە نێوان نیمچە هەور و هەوری تەواو دەبێت لەگەڵ بونی کەمێک تۆزوخۆڵ  هەروەها پێشبینی نمە بارانێکی کەم دەکرێت لە ناوچە شاخاوییەکان

هەواڵ:KNNC

بەڕێوەبەرایەتی کەشناسی و بومەلەرزەزانی سلێمانی بڵاویکردەوە، ئەمڕۆ هەینی ئاسمان لە زۆربەى کاتەکاندا لە نێوان نیمچە هەور و هەوری تەواو دەبێت لەگەڵ بونی کەمێک تۆزوخۆڵ، ئەوەشی خستوەتە ڕو پلەکانی گەرما بەراورد بە رۆژی رابردو دادەبەزن.

ئاماژەی بوەشداوە، خێراى با ( 15 بۆ 25 ) کیلۆمەتر دەبێت لە یەک کاتژمێردا و مەودای بینینش لە نێوان ( 5-7 )  کیلۆمەتر دەبێت.


لەبارەی کەشی سبەینێشەوە، پێشبینی دەکات،  ئاسمان نیمچە هەور بۆ هەوری تەواو دەبێت، لە کاتەکانی دوای نیوەڕۆ نمە باران و بارانی مامناوەند بە پچڕپچڕی دەبارێت و دواتر ڕێژەی دابارین زیاد دەکات لە هەندێک کات و ناوچە دەگۆڕێت بۆ هەورە تریشقە و تاوە بارانی کورت خایەن بە تایبەت لە سنوری ئیدارەی سۆران و ڕاپەڕین.

دەشڵێت سبەینێ بەراورد بە ئەمرۆ ساردتر دەبێت و پەلەکانی گەرماش بەراورد بە ئەمرۆ یەک بۆ دو پلەی دیکە دادەبەزن و رۆژی یەکشەممەش کەشەکە ئاسایی دەبێتەوە و کاریگەری باران بارین نامێنێت.


پێشبینی پلەکانی گەرماش بۆ ئەمڕۆ بەم شێوەیەیە؛

هەولێر : 30 پلەی سیلیزی
سلێمانی : 28 پلەی سیلیزی
دهۆک : 28 پلەی سیلیزی
کەرکوک : 33 پلەی سیلیزی
زاخۆ : 29 پلەی سیلیزی
هەڵەبجە : 28 پلەی سیلیزی
سۆران : 26 پلەی سیلیزی
حاجی ئۆمەران : 18 پلەی سیلیزی
گەرمیان :36 پلەی سیلیزی