کەمێک لەمەوبەر دو ژن لە سلێمانی سوتان و رەوانەی نەخۆشخانەی سوتاوی کراون.

سامان نادر، بەڕێوەبەری سەنتەری فریاکەوتنی خێرای سلێمانی 122 بە کەی ئێن ئێنی راگەیاند؛ ئێوارەی ئەمڕۆ لە گەڕەکی خەباتی شاری سلێمانی دو ژن سوتاون و گەیەندراونەتە نەخۆشخانەی ئێمرجنسی.

ئاماژەی بەوەشکرد، ئەو دو ژنە ویستویانە ئاوبکەنە موبەریدەوە، بەڵام بەنزین دەرچوە و گڕی گرتوە و سوتان".

سامان نادر، ئاماژەی بەوەشدا ئەو دو ژنە یەکێکیان تەمەنی 25 ساڵە و ئەوەی دیکەش 30 ساڵە، دۆخی تەندروستی یەکێکیان جێگیرە و ئەوی دیکەش دۆخی تەندروستی ناجێگیرە.