هاتوچۆی سلێمانی داوا لە هاوڵاتیان دەکات کە دەربارەی کاری نایاسایی و خراپ بەکارهێنانی دەسەڵات لە لایەن هەر ئەفسەر و کارمەندێکی بەڕێوەبەرایەتیەکەیانەوە زانیارییان پێبدەن.

بەڕێوەبەرایەتی هاتوچۆی سلێمانی لە راگەیەندراوێکدا ئاگاداری سەرجەم هاوڵاتیان دەکاتەوە کە بە مەبەستی گەیاندنی هەر زانیارییەک بە بەڵگەی سەلمێنەر دەربارەی کاری نایاسایی و خراپ بە کارهێنانی دەسەڵات لە لایەن هەر ئەفسەر و کارمەندێکی بەڕێوەبەرایەتیمان لە هەر بەڕێوەبەرێتی و بەش و هۆبە و هەر کایەیەکی نێو کایەکانی سنوری بەڕێوەبەرایەتی هاتوچۆی سلێمانی دەتوانن زانیارییەکانیان بنێرن بۆ لێژنەیەکی تایبەتمەند بە ناوی (لیژنەی بەدواداچون).

هاتوچۆی سلێمانی دەڵێت: بۆ بە دوداچون و لێکوڵینەوە وە کاری یاسایی بەرامبەر ئەم پرسە (پێویستە ئەو زانیاری و بەڵگانە تەنها پەیوەندیان بە بواری هاتوچۆ و کاروباری بەڕێوەبەرایەتیمانەوە هەبێت) و دڵنیاییش دەدات لەوەی هەموو زانیارییەکان پارێزراو دەبێت لەلای لیژنەی تایبەتمەندەکەوە و بۆ ئەو مەبەستەش دەتوانن زانیارییەکان بۆ ئەم ژمارە تەلەفۆنە بنێرن (07701379090).