پۆلیسی سعودیە پیاوێکیان دەستگیرکرد، ئەوەش بەتۆمەتی ئەوەی لەشوێنێکی گشتیدا بەدەنگی بەرز قسە دەکات کە ئەوە پێچەوانەی رەوشت و ئادابى گشتییە.

وەزارەتی ناوخۆی سعودیە بڵاوکردەوە کە پیاوێکیان لە ڕیازى پایتەخت دەستگیرکردوە کە بە دەنگێکى بەرز ناڕەزایی دەردەبڕیت لەسەر تێکەڵبوونی نێوان ژن و پیاو و ئایەتێک لە قورئان دەخوێنێتەوە.

ڕوداوەکە هەڵایەکى گەورەى بەدواى خۆیدا هیناو خەڵکى ناڕەزاییان لەوە دەبڕى کە بەو شیوەیە قسە کردن و خویندنەوەى قورئان لە ناو بازاڕو قەرەباڵەخیدا لەگەڵ زەوق و ئارەزوی خەڵکیدا نایەتەوە.

بەم دواییە وڵاتى سعودیە کرانەوەیەکى بەرچاوى بەخۆیەوە بینیوە لە بارەى تێکەڵ بونى ژن و پیاو و دانیشتنیان لە شوێنە گشتییەکاندا کە لە ساڵانى پێشودا ئەمە بونى نەبوو.

هەر بەم دواییانە سعودیە بەکارهێنانی بڵندگۆی لەمزگەوتەکاندا سنوردارکردووە و سزاشی بۆ سەرپێچیکاران داناوە و داوای لەمزگەوتەکانیش کردووە کە تەنیا بۆ بانگ دان و قامەت کردن بۆ نوێژ بڵندگۆ بەکاربهێنن.