روسیا: نەوت دەگاتە (400) دۆلار

KNN : Kurdish News Network
04:30 - 05/07/2022
جیهان

دوای ئەوەی ژاپۆن چەند پێشنیارێکی ئاشکراکرد بۆ دابەزاندنی نرخی نەوتی روسی لە جیهانگدا، مۆسکۆ هەڕەشەی توندی لە تۆکیۆ کرد و پێی راگەیاندوە باجی ئەو کارەی دەدات.

 

دیمێتری میدڤیدیڤ، سەرۆکی پێشوی روسیا رایگەیاند: پشنیارەکەی ژاپۆن بۆ دابەزاندنی نرخی نەوتی روسی بۆ نیوەی نرخی ئێستا دەبێتەهۆی هەڵئاوسان لە بازاڕەکاندا.

 

دەشڵێت: ژاپۆن نەوت و غازی سروشتی نییە، پێویستە باجی ئەو پێشنیارەی بدات و نەوتێکی کەم لە بازاڕەکاندا بەردەست دەبێت و نرخی نەوت لە جیهاندا بۆ سەرو (300) بۆ (400) دۆلار بەرزدەبێتەوە و دۆخی بازاڕەکان لە جیهاندا تێکدەچێت.

 

لە بەرامبەر ئەو پشنیارەی ژاپۆندا، ڤلادیمیر پۆتین، سەرۆکی روسیا هەفتەی رابردو مەرسومێکی بۆ خۆماڵیکردن و خاونداریەتی غاز و نەوتی ناوچەی سخالین-2 دەکرد (کە دەکەوێتە باشوری خۆرهەڵاتی روسیاوە)، بەو پێیەی تەنیا مۆسکۆ دەتوانێت مامەڵە بە سوتەمەنی ئەو ناوچەیە بکات و هەریەك لە کۆمپانیاکانی میتسوی و میتسوبوشی یابانی پێویستە ئەو ناوچەیە جێبهێلن و چیدی مافی کارکردنیان نابێت لەو کێڵگەکانی ئەو ناوچەیەدا.

745 جار خوێندراوەتەوە