سەرۆک وەزیرانی عێراق دوای ئەوەی سەردانی سعودیەی کرد و ئەمڕۆ گەیشتە تارانی پایتەختی ئێران و رێککەوتنیان لەسەر چەند بابەتێک کرد.

ئەمڕۆ یەکشەممە، مستەفا کازمی، سەرۆک وەزیرانی عێراق سەردانی تارانی پایتەختی ئێرانی کرد و لەگەڵ ئیبراهیم رەئیسی، سەرۆکی ئێران کۆبوەوە.

كازمی لە كۆنگرەیەكی رۆژنامەوانی هاوبەشدا لەگەڵ رەئیسیدا رایگەیاند : رێككەوتین لەسەر پتەوكردنی پەیوەندییە بازرگانیەکانی نێوانمان و ئاسانکاری بۆ سەردانیکەرانی ئێران بۆ عێراق.

دەشڵێت: پێشتر ڤیزە لە فرۆكەخانەكانی عێراق هەڵگیرابو ئێستاش لە دەروازە سنورییەکان هەڵگیراوە.

راشیگەیاند : رێككەوتنمان لەسەر پشتیوانی لە ئاگربەست لە یەمەن و كۆتاییهێنان بە نائارامی دۆخی ناوچەکە کردوە.