نرخی نەوت بە شێوەیەکی خێرا دابەزی

KNN : Kurdish News Network
03:49 - 22/06/2022
ئابوری

نرخی نەوتی خاو لە بازاڕەکانی جیهاندا گۆڕانکاری بەرچاوی بەسەردا هاتوە و بەشێوەیەکی بەرچاو دابەزیوە.

 

نرخی نەوتی خاوی برنت لە ئێستادا بە (108) دۆلار و (88) سەنت مامەڵەی پێوەدەکرێت و بە بەراورد بە بەرەبەیانی ئەمڕۆ زیاتر لە چوار دۆلاری لێبوەتەوە.


هاوکات، نرخی نەوتی خاوی تەکساسیش بە (103) دۆلار و (50) سەنتە.

 

دابەزینی نرخی نەوت بە شێوەیەکی کتوپڕ بۆ ئەوە دەگەرێتەوە، سەرۆکی ئەمەریکا بە نیازە بڕیاری لێخۆشبونی گومرگی بۆ هاوردەکردنی سوتەمەنی دەربکار.


بەهۆی هەڵگیرسانی شەڕی ئۆکرانیا و روسیا، قەیرانی کەمی نەوتی خاو لە جیهاندا سەریهەڵدا و نرخی نەوت بەشێوەیەکی بەرچاو بەرزبوەوە و هەر بەرمیلێك (130) دۆلاری تێپەڕاند

451 جار خوێندراوەتەوە