لەبارەى خۆڵبارینەوە هۆشدارى راگەیەنرا

KNN : Kurdish News Network
07:11 - 20/05/2022
عێراق

تەندروستیی بابل هۆشداری دەدات بە هاوڵاتیان، بەهۆی ناجێگریی کەشوهەوا و خۆڵبارینەوە لە ماڵەکانیان بمێننەوە و نەیەنە دەرەوە. 

لە ئاگادارییەکدا بەڕێوەبەرایەتی تەندروستیی بابل رایگەیاندووە، "بەهۆی ناجێگری کەشوهەوا و خۆڵبارینەوە داوا لە هاوڵاتیان دەکەین لە ماڵەکانیان بمێننەوە بۆ حاڵەتی زۆر پێویست نەبێت نەیەنە دەرەوە." 

رێنمایى هاووڵاتیانیش دەکات، سپرای تەنگەنەفەسی و دەرمانیان لە ماڵەوە هەبێت، بەتایبەت بۆ ئەو کەسانەی نەخۆشیی کۆئەندامی هەناسەدانیان هەیە و توشی تەنگەنەفەسی دەبن، هەروەها پێویستە دەمامک بەکاربهێنن.

داوا لە شۆفێرانیش دەکات، بەهۆی کەمبونەوەی مەودای بینین پێویستە شۆفێران لایتەکانیان دابگیرسێنن. 

 

ئێوارەى ئەمڕۆش، شەپۆلێکى دیکەى خۆڵبارین پارێزگاى سلێمانى گرتەوە و ئەوەش نۆیەمین شەپۆلى خۆڵبارینە لەماوەى کەمتر لە دو مانگدا.

4630 جار خوێندراوەتەوە