دەستەی کەشناسی عێراق پێشبینیەکانی کەشوهەوای بۆ چەند رۆژی داهاتو بڵاوکردەوە و پێشبینی خۆڵبارینی کرد لەگەڵ دابەزینی بەرچاوی پلەکانی گەرما.بەپێى پێشبینییەکەش شەپۆلى خۆڵبارینى ئەمجارە هەرێمى کوردستان ناگرێتەوە.

دەستەی کەشناسی لە راگەیەنراوێکدا ئاماژەی بەوەکردوە، سبەینێ چوارشەممە ئاسمان نیمچەهەور دەبێت و پلەکانی گەرما چەند پلەیەك دادەبەزن.

دەشڵێت: کەشوهەوای پێنجشەممە لە ناوچەکانی هەرێمدا ساماڵ و پەڵەهەور دەبێت و پلەکانی گەرما کەمێك بەرزدەبنەوە، لەگەڵ ئەوەشدا گەردەلولێکی خۆڵبارین رو لە ناوچەکانی باشور دەکات و ناوچەکانی دیکە ناگرێتەوە.

ئەوەش لەکاتێدایە، هەفتەی رابردو دەستەی کەشناسی عێراق بڵاویکردەوە کە شەپۆلێکی خۆڵبارین سەرتاسەری عێراق و هەرێم دەگرێتەوە و چڕتر دەبێت بە بەراورد بە خۆڵبارینی سەرەتای ئەم مانگە.