هەولێر؛ هادی عامری لەگەڵ سەرۆکی هەرێم ‌و سەرۆکی حکومەت کۆبوەوە

KNN : Kurdish News Network
07:07 - 17/01/2022
کوردستان

سەرۆکی هاوپەیمانیی فەتح لە شاری هەولێر، لەگەڵ سەرۆکی هەرێمی کوردستان و سەرۆکی حکومەت کۆبوەوە ‌و بریاریشە لەگەڵ سەرۆکی پارتی، کۆببێتەوە.

 

نێوەڕۆی ئەمڕۆ هادی عامری، سەرۆکی هاوپەیمانیی فەتح، لە رێگەی فڕۆکەخانەی نێودەوڵەتیی هەولێرەوە، گەیشتە شاری هەولێر و لەگەڵ نیچرڤان بارزانی سەرۆکی هەرێمی کوردستان کۆبوەوە ‌و پاشان لەگەڵ مەسروور بارزانی سەرۆکی حکومەتی هەرێم، کۆبوەوە.

بە گوێرەی زانیارییەکان، بڕیارە عامری لەگەڵ مەسعود بارزانی سەرۆکی پارتی دیموکراتی کوردستانیش، کۆببێتەوە.

 

سەردانەکەی هادی عامری، سەرۆکی هاوپیمانی فەتح کە خاوەنی 17 کورسیی پەرلەمانی عێراقە و بەشێکە لە چوارچێوەی هاوئاهەنگی، لە کاتێکدایە، رۆژی نۆی ئەم مانگە بە زۆرینەی رەوتی سەدر ‌و سوننەکان ‌و پارتی دیموکراتی کوردستان، سەرۆکایەتی پەرلەمانی عێراق، هەڵبژێرا ‌و ئەوەش ناڕەزایەتی چوارچێوەی هەماهەنگی لێکەوتەوە ‌و سکاڵایان لەوبارەیەوە تۆمار کرد ‌و دادگای فیدراڵیش بڕیاری دا بە شێوەیەکی کاتی، کارەکانی سەرۆکایەتیی پەرلەمان رابگرێت.

 

126 جار خوێندراوەتەوە