لەبارەى دابینکردنى پێداویستییەکانى هێزى پێشمەرگە سەرۆکایەتى هەرێم بڕیاریدا

KNN : Kurdish News Network
06:20 - 06/12/2021
کوردستان

لە کۆبونەوەى نێوان سەرۆکایەتى هەرێمى کوردستان و وەزیرانى پێشمەرگە و ناوخۆ و فەرماندە سەربازییەکاندا بڕیاردرا پێداویستییەکانى هێزى پێشمەرگە دابین بکرێت و خاڵەکانى روبەڕوبونەوە لەگەڵ داعش رێکبخرێنەوە.

 

بەپێى راگەیەنراوێکى سەرۆکایەتى هەرێمى کوردستان، لەمیانى کۆبونەوەى سەرۆکایەتى هەرێمى کوردستان  لەگەڵ وه‌زيرانى پێشمه‌رگه‌ و ناوخۆ و فه‌رمانده‌ى يه‌كه‌كانى حه‌فتا و هه‌شتا و فه‌رمانده‌ باڵاكانى پێشمه‌رگه‌ و به‌رپرسى ميحوه‌ره‌كان، بارو‌دۆخى سه‌ربازى و به‌ره‌كانى به‌رگرى له‌ هه‌رێمى كوردستان هه‌ڵسه‌نگێران و تيايدا فه‌رمانده‌ى ميحوه‌ره‌كان پوخته‌يه‌كيان ده‌رباره‌ى دوايين پێشهاته‌كانى به‌ره‌كان و پێداويستييه‌كانيان خسته‌ڕوو، هه‌روه‌ها وه‌ز‌يرى پێشمه‌رگه‌ش باسى له‌ پلان و ورده‌كاريى هه‌نگاوه‌كانى وه‌زاره‌ت بۆ چۆنيه‌تيى به‌ره‌نگاربونه‌وه‌ى تيرۆرستان و پێداويستييه‌ سه‌ربازييه‌كان كرد.

 

بەپێى راگەیەنراوەکە، لە کۆبونەوەکەدا بڕیاردا به‌ هه‌ماهه‌نگى له‌گه‌ڵ حكومه‌تى هه‌رێمى كوردستان و لايه‌نه‌ په‌يوه‌نداره‌كان به‌په‌له‌ پێداويستييه‌ خێراكان بۆ داهاتوش پێداويستييه‌كانى ديكه‌ى پێشمه‌رگه‌ دابين بكرێن و فه‌رمانده‌ و لايه‌نه‌ په‌يوه‌نداره‌كان ڕاسپێردران به‌ خێرايى دۆخى به‌ره‌كان و خاڵه‌كانى ڕوبه‌ڕوبونه‌وه‌ له‌گه‌ڵ تيرۆرستان ڕێكبخرێنه‌وه‌ و كه‌موكوڕى و كه‌لێنه‌كان پڕ بكرێنه‌وه‌، له‌ سه‌رتاسه‌رى ميحوه‌ره‌كانيش ئه‌وپه‌ڕى هاريكارى و هه‌ماهه‌نگى له‌نێوان پێشمه‌رگه‌دا هه‌بێت.

514 جار خوێندراوەتەوە