سلێمانی؛ لە یەک مانگدا (25) تۆن خۆراکی خراپ و بەسەرچوو دەستی بەسەردا گیراوە

KNN : Kurdish News Network
11:21 - 01/12/2021
کوردستان

لیژنەکانی سەر بە قائیمقامییەتی سلێمانی بڵاویانکردەوە، تەنیا لە مانگی (11)ی ئەمساڵدا دەست بەسەر (25) تۆن خۆراک و شمەکی بەسەرچودا گیراوە.

 

 
بەپێی راپۆرتی لیژنەی کۆگای سەر بەلیژنە هاوبەشەکانی قائیمقامیەتی سلێمانی تەنها لە مانگی (11)یانزەی ئەمساڵدا (156) سەردانیان ئەنجام داوە، لە میانی بەدواداچونەکانیشدا دەستیان گرتووە بەسەر (25) تۆن و (371)کیلۆگرام خواردن و شمەکدا کە بەهۆی هەڵگرتنیان بە شێوازێکی خراپ یان بەسەرچونی ماوەی بەکارهێنانیانەوە بۆ بەکارهێنان و خواردن شیاو نەبوون.

بەشی زۆری شمەکەکانیش پێکهاتوون لە بۆیاخ و ئاوی رادێتەری ئۆتۆمبێل و سلیکۆن و موادی پاکەرەوە، خواردنەکانیش دیارترینیان برنج و زەیتون بوون.

بەپێی راپۆرتەکە، هەر لە مانگی رابردوودا پسوڵەی سەرپێچییان بۆ (30) کۆگا کردووە و چەند شوێنێکیش داوە بە دادگا.


122 جار خوێندراوەتەوە