بەڕێوەبەرایەتی ئاسایشی سلێمانی لە راگەیەنراوێکدا ئاماژەبەوەدەکات، دوو باندى ساختەکار و دزینى شوێنەوار دەستگیرکراون و دەستبەسەر چەندین ئامێر و دراوى ساختەداگیراوە.

 
لە راگەیەندراوەکەدا هاتووە ''هێزەکانى بەڕێوەبەرایەتى ئاسایشى پارێزگاى سلێمانى، لە چەند چالاکییەکدا، حەوت تۆمەتبارى دوو باندى دزینى شوێنەوار و مامەڵەکردن بەدراوى ساختەوە دەستگیرکراون.

باس لەوەشکراوە، تۆمەتباران لەکاتى گەڕان بۆ شوێنەوارە دێرینەکان لە ناوچەى شارباژێر و قەرەداغ و کاتى مامەڵەکردن بە دراوى ساختەوە دەستگیرکراون و دەستبەسەر حەفتا هەزار و شەش سەد ( 70 هەزار و 600 ) دۆلارى ئەمریکى ساختە لە جۆرى (50) دۆلارى و یەک ئۆتۆمبیل و یەک موەلیدە و چەندین ئامێرى هەڵکۆڵیندا گیراوە.

 و سەرجەم تۆمەتباران بە یاساى سزادانى عێراقى راگیراون و لێکۆڵینەوە لە کەیسەکانیان بەردەوامە.