لەبەر ئەوەی هەموو قۆناغەکان بەشێوەی نەریتی بەڕێوەدەچن و هیچ ئامێر و ماددەیەکی زیادکراو بەکارناهێندرێت، راشی شارۆچکەی چوکورجاى سەر بە پارێزگاى هەکارى لە باکورى کوردستان، تام و چێژێکی تایبەتی هەیە.

بەرهەمهێنانەکە، بەشێوەیەکی نەریتی و لە رێگەی بەکارهێنانی ئاشی ئاوەوە، راشی دروست دەکرێت.

بەهۆی ئاووهەوای گەرمەسێرەوە ئەم شارۆچکەیە شوێنێکی لەبارە بۆ بەرهەم هێنانی هەنجیر، هەنار، برنج، کاکی و کونجی.

لە ئێستاشدا جووتیارەکان دەستیان بە دروێنەی ئەو کونجییانە کردوە کە لە وەرزی بەهاردا چاندبوویانن.

بەیانیان زوو جوتیارەکان بە هەرەوەزی کونجییەکان کۆدەکەنەوە، دواتر شەوێک دەیکەنە ئاو و ئینجا دەیبێژنەوە.

دوای چەن جارێک شتنەوە، کونجییەکان لە فڕنی داردا دەبرژێندرێت و دواتر بە شێوەیەکی نەریتی بە ئاش دەهاڕدرێن و دەکرێن بە راشی، لەبەر ئەوەی هەموو قۆناغەکان بەشێوەی نەریتی بەڕێوەدەچن و هیچ ئامێر و ماددەیەکی زیادکراو بەکارناهێندرێت، راشی شارۆچکەی چوکورجا تام و چێژێکی تایبەتی هەیە.