"مەترسى بێ کارەبا بوونى سلێمانى و گەرمیان هەیە"

KNN : Kurdish News Network
08:56 - 10/09/2021
کوردستان

بەهۆى دزینى بەشێک لە تاوەرکانى گواستنەوەى وزەى کارەبا لە سنورى ناوچە سەنگاو مەترسى بێ کارەبا بونى سلێمانى و گەرمیان هەیە.

 

بەرێوەبەرایەتى گشتى کارەباى سلێمانى لە راگەیەنراوێکدا بڵاویکردەوە، ماوەیەکە لە سنوری ناوچەی سەنگاو ئاسنی ئەو تاوەرانە دەدزرێت کە کارەبا بۆ سلێمانی و گەرمیان دەگوێزنەوە، بەوەش جگە لە زیانی مادی کە بە زیاتر لە (200) ملیۆن دینار مەزەندە دەکرێت ، مەترسی کەوتنی تاوەرەکان و بێ کارەبا بوونی نیوەی سلێمانی و گەرمیان هەیە.

 

ئەندازیار سالار حسام الدین بەرێوەبەری گشتی کارەبای سلێمانی، لەگەڵ جەختکردنەوە لە بوونى دیاردەیە لە ناوچەى سەنگاو، رایگەیاند: دوای ئاگادارکردنەوەی لایەنە پەیوەدارەکانی سنورەکە، توانراوە چەند کەسێک دەستگیربکرێن.

 

وتیشی : داواکارین لایەنە پەیوەندارەکانی کاری جدی بکەن بۆ بنەبڕکردنی ئەوە دیاردەیەو بەسزاگەیاندنی تاوانباران.

1627 جار خوێندراوەتەوە