حاڵەتى توشبون بە کۆرۆناى جۆرى دەلتا لەسلێمانى تۆمارکرا

KNN : Kurdish News Network
06:46 - 19/07/2021
کوردستان

یەکەم حاڵەتى توشبون بە کۆرۆناى جۆرى دەلتا لە سلێمانى تۆمار کرا بەرێوەبەرى تەندروستى سلێمانیش لەو بارەیەوە رونکردنەوە دەدات، سەبارەت بە زیادبونى ژمارەى توشبوانى کۆرۆناش هۆشدارى دەدات.

دکتۆر سەباح هەورامى، بەرێوەبەرى گشتى تەندروستى سلێمانى بەدیجیتاڵ میدیاى (KNN) ى راگەیاند، حاڵەتى توشبون بە کۆرۆناى جۆرى دەلتا لە سلێمانى تۆمارکرا، بەڵام تاکو ئێستا داتایەکى ورد لە بارەى توشبوانى ئەو جۆرەى کۆرۆنا لە سلێمانى لەبەردەستدا نیە.

راشیگەیاند، جگە لە نیشانەکانى دیکەى کۆرۆنا، توشبوى ئەو جۆرەى کۆرۆنا دووچارى هەڵامەتیش دەبێت.

 سەبارەت بە دۆخى توشبون بە کۆرۆنا بەرێوەبەرى گشتى تەندروستى سلێمانى رایگەیاند، ژمارەى توشبوانى کۆرۆنا بە جۆرێک زیادى کردوە کە لە نەخۆشخانەکان جێگە نەماوە و پێویستمان بەوەیە نەخۆشخانەى دیکە بکەینەوە.

5445 جار خوێندراوەتەوە